ఈ రోజుల్లో మన జీవనశైలి పూర్తిగా మారిపోయింది. బయట ప్రకృతిని చూడటానికి కంటే ఫోన్లు, ట్యాబ్లు, ల్యాప్టాప్లు, టీవీలు వంటి స్క్రీన్లను గంటల తరబడి చూస్తూ గడిపే పరిస్థితి ఏర్పడింది. ఈ నిరంతర స్క్రీన్ వినియోగం వల్ల కళ్లపై తీవ్రమైన ఒత్తిడి పడుతోంది. అందుకే శరీరానికి డీటాక్స్ అవసరమైనట్లే కళ్లకు కూడా ప్రత్యేకమైన శ్రద్ధ అవసరం. కంటి ఆరోగ్యాన్ని కాపాడుకోవడానికి సహజమైన పద్ధతుల్లో డీటాక్స్ చేయడం ఎంతో ముఖ్యమని వైద్య నిపుణులు సూచిస్తున్నారు.
సాధారణంగా డీటాక్స్ అంటే మనం ఏదో ఒక హెల్త్ డ్రింక్ గురించి ఆలోచిస్తాం. కానీ కళ్లకు డీటాక్స్ కావాలంటే ముందుగా కంటికి అవసరమైన పోషకాలను సమృద్ధిగా అందించాలి. ముఖ్యంగా విటమిన్–A మరియు బీటా కెరోటిన్ వంటి యాంటీ ఆక్సిడెంట్లు కంటి కణాలను రక్షించి, దెబ్బతినకుండా కాపాడటంలో కీలక పాత్ర పోషిస్తాయి. ఈ పోషకాలు కళ్లలోని ఆక్సిడేటివ్ స్ట్రెస్ను తగ్గించి చూపు మందగించకుండా సహాయపడతాయి.
పిల్లలకి ఇంట్లోనే హెల్తి జామ్ ఇలా చేసుకోవచ్చు.
బీటా కెరోటిన్ సమృద్ధిగా లభించే ఆహారాలలో క్యారెట్, కరివేపాకు, కొత్తిమీర, మునగాకు ప్రధానమైనవి. వీటిని నిత్యాహారంలో చేర్చడం ద్వారా సహజంగానే కంటి ఆరోగ్యం మెరుగుపడుతుంది. ప్రత్యేకంగా ఒక కీరదోసకాయ, రెండు క్యారెట్లు, కొద్దిగా మునగాకు, కొత్తిమీర, కరివేపాకు తీసుకుని ముందుగా ఆకుకూరలను మెత్తగా గ్రైండ్ చేయాలి. తర్వాత కీరదోసకాయ, క్యారెట్ ముక్కలు వేసి మళ్లీ గ్రైండ్ చేయాలి. కీరదోసకాయ ఎక్కువగా ఉంటే నీళ్లు వేసే అవసరం ఉండదు. ఈ మిశ్రమాన్ని వడకట్టి జ్యూస్గా తీసుకోవాలి.
ఈ జ్యూస్లో కొద్దిగా తేనె లేదా ఖర్జూరపు పొడి కలిపి, నిమ్మరసం లేకుండా వారానికి రెండు లేదా మూడు సార్లు తీసుకుంటే కళ్లకు మంచి పోషణ లభిస్తుంది. ముఖ్యంగా స్క్రీన్లను ఎక్కువగా ఉపయోగించే పిల్లలకు ఇది ఎంతో ఉపయోగకరం. కంటి చూపు త్వరగా దెబ్బతినకుండా రక్షించడంలో ఈ సహజ ఐ డీటాక్స్ డ్రింక్ మంచి ఫలితాలను ఇస్తుంది.
అన్నమయ్య జిల్లాలో ‘పుష్ప’ సినిమా తరహాలో ఎర్రచందనం స్మగ్లింగ్ గుట్టురట్టు.
అందువల్ల కంటి ఆరోగ్యాన్ని కాపాడుకోవాలంటే కేవలం కళ్లకు విశ్రాంతి ఇవ్వడం మాత్రమే కాదు, సరైన పోషకాహారం కూడా తప్పనిసరి. క్యారెట్ మరియు ఆకుకూరలను ఆహారంలో భాగం చేసుకోవడం ద్వారా కళ్లకు సహజ రక్షణ కల్పించవచ్చు.
