సీజనల్గా వర్షాలు ఎక్కువగా కురిసే సమయంలో, వాతావరణం చల్లగా ఉండి ఎండలు తగ్గినప్పుడు దోమలు విపరీతంగా పెరుగుతాయి. దోమల ద్వారా డెంగూ జ్వరం, మలేరియా, వివిధ రకాల ఇన్ఫెక్షన్లు, మెదడు వాపు వంటి తీవ్రమైన వ్యాధులు మనకు వచ్చే ప్రమాదం ఎక్కువగా ఉంటుంది.
దోమలను పూర్తిగా మన ఊళ్లలో లేదా సిటీల్లో నుంచి నిర్మూలించడం సాధ్యం కాదు. గవర్నమెంట్ స్థాయిలో కొన్ని ప్రయత్నాలు జరుగుతున్నా, పూర్తిస్థాయిలో నియంత్రణ సాధ్యం కావడం లేదు. కానీ మన ఇంటి వాతావరణాన్ని మాత్రం దోమలు దరిదాపులకు రాకుండా మార్చుకోవచ్చు. దోమలకు చిరాకు కలిగించే ఔషధ గాలి విడుదల చేసే కొన్ని మొక్కలను మన ఇంటి దొడ్లో లేదా కుండీల్లో పెంచుకుంటే, దోమలు ఆ ప్రాంతం వైపు రావడానికి ఇష్టపడవు.
హార్ట్ ఎటాక్ రిస్క్ తగ్గి గుండె ఆరోగ్యం పెరగాలంటే….
ఈ మొక్కల నుంచి వచ్చే సహజ వాసన దోమలకు అసహనాన్ని కలిగిస్తుంది. దాంతో అవి అక్కడ నిలవలేక దూరంగా వెళ్లిపోతాయి. అంతేకాదు, దోమల గుడ్లు పిల్లలుగా మారకుండా కూడా ఈ మొక్కలు అడ్డుకుంటాయి. అంటే దోమల సంఖ్య పెరగకుండా సహజంగా నియంత్రించగలుగుతాం.
ఈ విషయం నేను ప్రత్యక్షంగా చూసిన అనుభవం కూడా ఉంది. హైదరాబాద్లోని ప్రగతి రిసార్ట్స్లో డాక్టర్ జిబికే రావు గారు అనేక సంవత్సరాలుగా ఔషధ మొక్కలను విస్తృతంగా పెంచుతున్నారు. వందల ఎకరాల్లో గ్రీనరీ ఉన్నా, సాయంత్రం ఆరు గంటల తర్వాత కూడా అక్కడ దోమలు కనిపించవు, కుట్టవు. ఇంత గ్రీనరీ ఉన్నా దోమలు లేకపోవడానికి కారణం—అక్కడ విస్తృతంగా పెంచిన ఈ ఔషధ మొక్కలే. అవి విడుదల చేసే ఔషధ గాలి దోమలకు తీవ్రంగా చిరాకు కలిగించి ఆ ప్రాంతాల్లోకి రానివ్వదు.
గూగుల్ క్రోమ్ వాడేవారికి కేంద్రం హెచ్చరిక!
ఇప్పుడు దోమల నివారణకు ఇంట్లో సులభంగా పెంచుకోగల ఐదు ముఖ్యమైన మొక్కల గురించి తెలుసుకుందాం.
మొదటిది – లెమన్ గ్రాస్ (నిమ్మగడ్డి)
నిమ్మగడ్డి దుబ్బలా పెరుగుతుంది. కొద్దిగా నలిపితేనే మంచి సువాసన వస్తుంది. దీనినుంచి సిట్రోనెల్లాల్ అనే రసాయనం గాలిలోకి విడుదలవుతుంది. ఈ వాసన దోమలకు తీవ్ర అసహనం కలిగిస్తుంది. అంతేకాదు, దోమల గుడ్లు పిల్లలుగా మారకుండా అడ్డుకుంటుంది. నిమ్మగడ్డి మెయింటెనెన్స్ చాలా తక్కువ—కట్ చేస్తే మళ్లీ వేగంగా పెరుగుతుంది. దీనినుంచి తీసే సిట్రోనెల్లా ఆయిల్ను రెండు మూడు చుక్కలు బట్టల మీద లేదా చర్మంపై రాసుకుంటే గంటన్నర నుంచి రెండు గంటల వరకు దోమలు వాలవు.
యాలుకుపొడి – హై బీపీ తగ్గించడంలో సహజమైన అద్భుతం.
రెండవది – తులసి
తులసి మొక్క ఒలియో రెజిన్స్ అనే ఔషధ రసాయనాలను గాలిలోకి విడుదల చేస్తుంది. ఈ వాసన దోమలకు చిరాకు కలిగిస్తుంది. తులసి వాయు కాలుష్యాన్ని శుద్ధి చేయడమే కాకుండా, దోమల బెడద నుంచి కూడా మంచి రక్షణ ఇస్తుంది. ఇంటి దొడ్లో లేదా కిటికీల దగ్గర తులసి ఉంటే మంచి ఫలితం కనిపిస్తుంది.
మూడవది – మరువం (మర్జోరం)
దేవుడి మాలల్లో ఉపయోగించే మరువం కూడా దోమల నివారణకు చాలా ఉపయోగకరం. ఇది విడుదల చేసే ఔషధ గాలి దోమలకు అసహనాన్ని కలిగిస్తుంది. అంతేకాదు, ఇది కార్టిసాల్ హార్మోన్ను తగ్గించి హ్యాపీ హార్మోన్ల ఉత్పత్తిని పెంచుతుంది. అందుకే ఆలయాల్లో, తలపై కూడా మరువం వాడతారు.
ప్రేమ వివాహం… పదేళ్ల దాంపత్యం తర్వాత భర్తనే బలి ఇచ్చిన భార్య.
నాలుగవది – పుదీనా
పుదీనాలో మెంతాల్ అనే రసాయనం ఉంటుంది. ఇది గాలిలోకి వ్యాపించి దోమల ప్రজনనాన్ని నియంత్రించడంలో సహాయపడుతుంది. పుదీనా కుండీల్లో పెంచుకుంటే వంటలకు ఉపయోగించుకోవచ్చు, అదే సమయంలో ఇంటి వాతావరణాన్ని శుద్ధి చేసి దోమల బెడదను తగ్గిస్తుంది.
ఐదవది – లావెండర్
లావెండర్ మొక్క నుంచి సినియోల్ అనే రసాయనం విడుదలవుతుంది. దీని వాసన దోమలకు తీవ్ర ఇరిటేషన్ కలిగిస్తుంది. నీలం రంగు పూలతో చూడటానికి కూడా చాలా అందంగా ఉంటుంది. పూర్వకాలంలో కిరసనాయలు వాసనతో దోమలను దూరంగా ఉంచినట్లే, లావెండర్ కూడా సహజంగా అదే పని చేస్తుంది.
ఎముకలు ఎందుకు వీక్ అవుతున్నాయి? కూల్డ్రింక్స్ వల్ల వచ్చే నాలుగు ప్రధాన నష్టాలు.
ఈ ఐదు రకాల మొక్కలను మూడు నుంచి నాలుగు నెలలు క్రమంగా పెంచి పోషిస్తే, మీ ఇంటి వాతావరణంలో స్పష్టమైన మార్పు కనిపిస్తుంది. దోమల బెడద గణనీయంగా తగ్గుతుంది. కిటికీల దగ్గర, బాల్కనీలో లేదా దొడ్లో వీటిని ఉంచితే దోమలు ఇంట్లోకి రావు.
దోమల వల్ల వచ్చే వ్యాధులు, ఇన్ఫెక్షన్ల నుంచి రక్షణ పొందేందుకు ఇది ఒక అద్భుతమైన సహజ పరిష్కారం. రసాయనాలు లేని, ఆరోగ్యాన్ని కాపాడే ఈ ఐదు ఔషధ మొక్కలను ప్రతి ఒక్కరూ ఉపయోగించుకోవాలని విజ్ఞప్తి చేస్తూ నమస్కారం.
