ఈరోజు “మీ సందేహం – మా సందేశం” కార్యక్రమంలో భాగంగా ఒక కాలర్ అడిగిన ప్రశ్నకు డాక్టర్ గారు ఇచ్చిన వివరణను చూద్దాం. పిల్లలకే ఎక్కువగా ఎడినాయిడ్స్ ఎందుకు వస్తాయి అనే సందేహానికి ఆయన స్పష్టమైన సమాధానం ఇచ్చారు.
పుట్టినప్పటి నుంచి సుమారు ఆరు–ఏడు సంవత్సరాల వయసు వరకు పిల్లల రోగ నిరోధక శక్తి పూర్తిగా అభివృద్ధి చెందదు. ఈ దశలో కొత్త కొత్త వైరస్లు, బ్యాక్టీరియాలు శరీరంలోకి ప్రవేశిస్తే వాటిని వెంటనే ఎదుర్కొనే అలవాటు రక్షణ వ్యవస్థకు ఉండదు.
సూర్య గ్రహణం ప్రభావంతో 4 రాశులవారికి జరిగేది ఇదే..?
అందుకే అవి ముందుగా ఇన్ఫెక్షన్ కలిగిస్తాయి. ఆ తర్వాత వాటి గురించి శరీరం సమాచారం భద్రపరచుకుని, మళ్లీ అదే వైరస్ వచ్చినప్పుడు ఎదుర్కొనే శక్తిని అభివృద్ధి చేస్తుంది. ఈ ప్రక్రియ పూర్తవడానికి కొన్ని సంవత్సరాలు పడుతుంది. ఈ మధ్యకాలంలోనే పిల్లల్లో ఎడినాయిడ్స్ వాపు కనిపిస్తుంది.
ముక్కు వెనుక భాగంలో ఉండే ఎడినాయిడ్స్ గ్రంథులు మనం పీల్చే గాలిలో వచ్చే వైరస్లు, బ్యాక్టీరియాలను ముందుగా ఎదుర్కొనే కేంద్రాల్లాంటివి. అవి ఇన్ఫెక్షన్కు గురైతే వాపు వచ్చి శ్వాస తీసుకోవడంలో ఇబ్బంది కలుగుతుంది. అయితే దీనికి వెంటనే శస్త్రచికిత్స చేయించటం సరైన పరిష్కారం కాదని డాక్టర్ గారు చెబుతున్నారు. ఎడినాయిడ్స్ అనేవి రోగ నిరోధక వ్యవస్థకు ఒక “ట్రైనింగ్ సెంటర్” లాంటివి కాబట్టి అవసరం లేకుండా తీసివేయకూడదు.
ఇన్ఫెక్షన్ వచ్చినప్పుడు పిల్లలకు ఒకటి రెండు రోజులు తేలికపాటి ఉపవాసం పెట్టి, తేనె–నిమ్మకాయ కలిపిన గోరువెచ్చని నీళ్లు ఇవ్వాలి. దీని వల్ల ఇమ్యూనిటీ పెరిగి యాంటీబాడీలు త్వరగా తయారవుతాయి, వాపు తగ్గుతుంది. వేడి నీళ్లు తాగించడం, పసుపు లేదా యూకలిప్టస్ ఆయిల్ లేదా టీ ట్రీ ఆయిల్తో ఆవిరి పట్టించడం కూడా ఉపయోగకరం. తులసి ఆకులు వేసిన ఆవిరిని రోజుకు రెండు మూడు సార్లు పట్టించాలి.
అలాగే సెలైన్ వాటర్ను మరిగించి గోరువెచ్చగా చేసిన తర్వాత, సూది లేకుండా సిరంజ్ సహాయంతో ముక్కులో శుభ్రం చేయడం వల్ల ఎడినాయిడ్స్ క్లీనింగ్కు బాగా సహాయపడుతుంది. ఇలా మూడు నాలుగు రోజులు జాగ్రత్తలు పాటిస్తే వాపు, నొప్పి తగ్గి పిల్లలకు మంచి ఉపశమనం లభిస్తుంది.
సముద్ర గర్భంలో శ్రీరాముని మరో రాజ్యం.
Herbal Drink for Headaches:ఔషధ శక్తి దాగి ఉన్న హెర్బల్ టీ ఇది.
