ఇటీవలి కాలంలో చిన్న వయస్సు నుంచే క్యాన్సర్, హార్ట్ సమస్యలు, పక్షవాతం, ఆటో ఇమ్యూన్ వ్యాధులు వంటి దీర్ఘకాలిక రోగాలు పెరుగుతున్నాయి. చాలా మందికి ఈ వ్యాధులు ఒక్కసారిగా వచ్చినట్లుగా అనిపించినా, వాస్తవానికి అవి సంవత్సరాల పాటు శరీరంలో నెమ్మదిగా ఏర్పడుతూ ఉంటాయని ఆరోగ్య నిపుణులు చెబుతున్నారు.
ఈ సమస్యలకు ప్రధాన కారణాల్లో ఒకటి “లో గ్రేడ్ ఇన్ఫ్లమేషన్”. ఇది మొదట్లో శరీరంలో కనిపించని స్థాయిలో ప్రారంభమవుతుంది. ఇనుముకు తుప్పు పట్టే ప్రక్రియ ఎలా నెమ్మదిగా మొదలవుతుందో, అలాగే శరీరంలోని కొన్ని అవయవాల్లో చిన్న స్థాయిలో ప్రారంభమైన ఇన్ఫ్లమేషన్ కాలక్రమేణా పెరిగి పెద్ద వ్యాధులకు దారితీస్తుంది.
మా ప్రభుత్వం వచ్చాక మహిళల పేరు మీదే పథకాలు ఇస్తున్నాం..
ఈ పరిస్థితి ఏర్పడటానికి ముఖ్య కారణం మన ఆహారపు అలవాట్లు మరియు జీవనశైలి. ఎక్కువగా నూనెలో వేయించిన పదార్థాలు, ఫాస్ట్ ఫుడ్, జంక్ ఫుడ్, బేకరీ పదార్థాలు, అధికంగా చక్కెర ఉన్న ఆహారాలు, రసాయనాలు కలిగిన ప్రాసెస్డ్ ఫుడ్స్ తీసుకోవడం వల్ల శరీరంలో హానికరమైన ఫ్రీ రాడికల్స్ పెరుగుతాయి. వీటిని ఎదుర్కొనేందుకు శరీరంలోని రోగనిరోధక వ్యవస్థ కొన్ని రసాయనాలను విడుదల చేస్తుంది. ఈ ప్రక్రియ ఎక్కువగా కొనసాగితే శరీరంలో ఇన్ఫ్లమేషన్ పెరిగే ప్రమాదం ఉంటుంది.
ప్రారంభ దశలో ఈ సమస్యకు స్పష్టమైన లక్షణాలు కనిపించకపోవచ్చు. అయితే రక్తపరీక్షల ద్వారా దీనిని గుర్తించవచ్చు. ముఖ్యంగా ESR, CRP (C-Reactive Protein) వంటి పరీక్షలు చేయించుకుంటే శరీరంలో ఇన్ఫ్లమేషన్ స్థాయి గురించి తెలుసుకోవచ్చు. ఇవి ఎక్కువగా ఉంటే జాగ్రత్తలు తీసుకోవాల్సిన అవసరం ఉంటుంది.
భోజనం చేసేటప్పుడు దాహం ఎందుకు వేస్తుంది? శరీరం ఇచ్చే సిగ్నల్ ఇదే.
ఈ సమస్యను నివారించడానికి జీవనశైలిలో కొన్ని మార్పులు చేయడం అవసరం. ముఖ్యంగా పండ్లు, నట్స్, స్ప్రౌట్స్, సలాడ్లు వంటి యాంటీ ఆక్సిడెంట్లు ఎక్కువగా ఉన్న సహజ ఆహారాలను రోజువారీ ఆహారంలో చేర్చాలి. రోజువారీ ఆహారంలో కనీసం 50–60 శాతం సహజ ఆహారం ఉండేలా చూసుకోవాలని నిపుణులు సూచిస్తున్నారు.
అలాగే రాత్రి భోజనం త్వరగా చేయడం కూడా ఆరోగ్యానికి మంచిదని చెబుతున్నారు. సాయంత్రం వేళలో తేలికపాటి ఆహారం తీసుకుంటే శరీరం రాత్రి సమయంలో విషపదార్థాలను బయటకు పంపే ప్రక్రియను సులభంగా నిర్వహిస్తుంది. దీంతో ఇన్ఫ్లమేషన్ పెరగకుండా నియంత్రించవచ్చు.
కారుకు దారి ఇవ్వలేదని వ్యక్తిని కొట్టిన సర్పంచ్ భర్త.
అంతేకాకుండా వారానికి ఒకసారి ఉపవాసం పాటించడం, సరైన వ్యాయామం చేయడం, సహజ ఆహారాన్ని ఎక్కువగా తీసుకోవడం వంటి అలవాట్లు శరీరాన్ని ఆరోగ్యంగా ఉంచడంలో సహాయపడతాయి. ఈ విధమైన ఆరోగ్యకరమైన జీవనశైలిని అనుసరించడం ద్వారా దీర్ఘకాలిక వ్యాధుల ప్రమాదాన్ని గణనీయంగా తగ్గించుకోవచ్చని నిపుణులు సూచిస్తున్నారు.
