ఆరోగ్యంపై శ్రద్ధ కలిగిన అందరికీ హృదయపూర్వక నమస్కారాలు. పండ్లలో పోషక విలువల పరంగా ప్రత్యేక స్థానం సంపాదించుకున్న పండు అవకాడో. సాధారణంగా మనం తినే మామిడి, అరటి వంటి పండ్లతో పోలిస్తే అవకాడోలో శక్తి (కేలరీలు) ఎక్కువగా ఉంటుంది. 100 గ్రాముల అవకాడోలో సుమారు 215 కిలో క్యాలరీల శక్తి లభిస్తుంది. అయితే ఇందులో కార్బోహైడ్రేట్లు చాలా తక్కువగా ఉండటం విశేషం. ప్రోటీన్ కూడా తక్కువే అయినా, ముఖ్యంగా ఇందులో ఉన్న ఆరోగ్యకరమైన కొవ్వులు (హెల్తీ ఫ్యాట్స్) ఎక్కువగా ఉండటం దీన్ని ప్రత్యేకంగా నిలబెడుతుంది.
ఇతర పండ్లలో సాధారణంగా కొవ్వు చాలా తక్కువగా ఉంటే, అవకాడోలో సుమారు 23 గ్రాముల వరకు మంచి కొవ్వు ఉంటుంది. ఈ కొవ్వు శరీరానికి సులభంగా జీర్ణమై శక్తిని అందిస్తుంది. అందుకే చిన్నపిల్లల మెదడు అభివృద్ధికి, గర్భిణీలు మరియు బాలింతలకు ఇది ఎంతో ఉపయోగకరమైన ఆహారం. జీర్ణ సమస్యలు ఉన్నవారు కూడా ఈ పండును సులభంగా తీసుకోవచ్చు.
షుగర్ ఉన్నవారికి నీరసం తగ్గి షుగర్ కంట్రోల్ అవ్వాలంటే…
గ్రాములు/100గ్రా), ఇది జీర్ణవ్యవస్థను మెరుగుపరచడంలో, ప్రేగుల ఆరోగ్యాన్ని కాపాడడంలో సహాయపడుతుంది. అలాగే ఫోలిక్ యాసిడ్ ఇందులో అధికంగా ఉండటం వల్ల మెదడు ఆరోగ్యానికి మేలు చేస్తుంది. ఇది సెరటోనిన్, డోపమిన్ వంటి “హ్యాపీ హార్మోన్లు” ఉత్పత్తిని ప్రోత్సహించి మనసును ఉల్లాసంగా ఉంచుతుంది.
మగవారిలో ప్రోస్టేట్ గ్రంధి ఆరోగ్యానికి సహాయపడే బీటా-సిటోస్టెరాల్ అనే పదార్థం కూడా ఇందులో ఉంటుంది. అదేవిధంగా అవకాటిన్-B అనే సంయోగం కొన్ని రకాల క్యాన్సర్ కణాల పెరుగుదలను నిరోధించడంలో సహాయపడుతుందని పరిశోధనలు సూచిస్తున్నాయి.
విటమిన్ C, విటమిన్ E వంటి యాంటీ ఆక్సిడెంట్లు కూడా అవకాడోలో పుష్కలంగా లభిస్తాయి. ఇవి మెదడు కణాలను రక్షించి, మతిమరుపు వంటి సమస్యలను తగ్గించడంలో సహాయపడతాయి. డయాబెటిస్ ఉన్నవారికి ఇది ఎంతో అనుకూలమైన పండు. ఎందుకంటే ఇందులో కార్బోహైడ్రేట్లు చాలా తక్కువగా ఉండటం వల్ల రక్తంలో చక్కెర స్థాయిలను పెంచదు.
సర్కార్ బడిలో అడ్మిషన్ కోసం పోటెత్తిన జనం.
బరువు తగ్గాలనుకునే వారికి కూడా అవకాడో ఉపయోగపడుతుంది. ఇందులోని ఫైబర్ మరియు కొవ్వు తృప్తి భావాన్ని కలిగించి ఎక్కువగా తినకుండా సహాయపడతాయి. దీంతో సహజంగా బరువు నియంత్రణలో ఉంటుంది.
రుచిలో ఇది ఇతర తీపి పండ్లలా కాకపోయినా, నోట్లో వేసుకున్న వెంటనే వెన్నలా కరిగే ప్రత్యేకత దీనిదే. ప్రస్తుతం అవకాడో పండు నగరాలకే కాకుండా గ్రామీణ ప్రాంతాల్లో కూడా సులభంగా లభిస్తోంది.
మొత్తానికి, అధిక శక్తిని అందిస్తూ, రక్తంలో చక్కెరను పెంచకుండా, శరీరానికి అవసరమైన మంచి కొవ్వులను అందించే ఉత్తమ పండుగా అవకాడోను ప్రతిరోజు ఆహారంలో చేర్చుకుంటే ఆరోగ్యానికి ఎంతో మేలు జరుగుతుంది.
కంటి చూపు మసక తగ్గి కళ్ళు బాగా పని చేయాలంటే…..
