నరాల బలహీనత, మోకాల నొప్పులు, రెస్పిరేటరీ సమస్యలకు సహజ పరిష్కారాలు.

ప్రస్తుతం చాలా మందిలో నరాల తిమ్మిర్లు, నరాల బలహీనత, మోకాల నొప్పులు, బ్యాక్ పెయిన్, సయాటికా, సర్వైకల్ స్పాండిలైటిస్ వంటి సమస్యలు ఎక్కువగా కనిపిస్తున్నాయి. వీటితో పాటు రెస్పిరేటరీ సమస్యలు, అలసట, బలహీనత కూడా పెరుగుతున్నాయి. ఇలాంటి సమస్యలకు మన ఇంట్లోనే సులభంగా దొరికే సహజ పదార్థాలతో మంచి ఉపశమనం పొందవచ్చని నాచురోపతి నిపుణులు చెబుతున్నారు.

Table of Contents

తమలపాకుతో అద్భుత ప్రయోజనాలు

తమలపాకులో యాంటీ ఇన్ఫ్లమేటరీ, యాంటీ బ్యాక్టీరియల్ గుణాలు సమృద్ధిగా ఉంటాయి. అలాగే బి కాంప్లెక్స్ విటమిన్లు, విటమిన్ C, కాల్షియం, ఐరన్ వంటి పోషకాలు కూడా ఉంటాయి. బి12, ఐరన్, కాల్షియం, విటమిన్ D లోపాల వల్లే నరాల బలహీనతలు, తిమ్మిర్లు, నొప్పులు వస్తాయని వైద్యులు చెబుతున్నారు. ఈ లోపాలను తగ్గించడంలో తమలపాకు సహాయపడుతుంది.

ప్రతి రోజు ఉదయం, మధ్యాహ్నం భోజనాల మధ్యలో ఒక ప్లెయిన్ తమలపాకు నమిలి తింటే నరాల బలహీనతలు తగ్గడంలో సహాయపడుతుంది. ముఖ్యంగా డైజెషన్ మెరుగుపడి, గ్యాస్ట్రిక్ సమస్యలు తగ్గి, శరీరానికి శక్తి పెరుగుతుంది.

తమలపాకు కషాయం తయారీ

రెండు తమలపాకులు చిన్న ముక్కలుగా చేసి నీటిలో వేసుకోవాలి. అందులో పావు స్పూన్ ధనియాలు, పావు స్పూన్ వాము, చిన్న అల్లం ముక్క, నాలుగు తులసి ఆకులు వేసి 250 ml నీటిలో మరిగించాలి. తర్వాత ఫిల్టర్ చేసి ఉదయం తాగితే డైజెషన్ మెరుగుపడటంతో పాటు రెస్పిరేటరీ సమస్యలు కూడా తగ్గుతాయి.

ఇందులో నాలుగు లవంగాలు కలిపితే మరింత ప్రయోజనం ఉంటుంది. లవంగాలు ఊపిరితిత్తుల ఆరోగ్యాన్ని కాపాడటంతో పాటు జాయింట్ల మధ్య ఇన్ఫెక్షన్లు రాకుండా సహాయపడతాయి.

ఇతర సహజ ఆకుల ప్రయోజనాలు

శంకుపూలు, తిప్పతీగ, జామాకులు, పారిజాతం ఆకులు కూడా శరీరంలోని ఇన్ఫ్లమేషన్ తగ్గించడంలో సహాయపడతాయి. వీటిని నీటిలో మరిగించి కషాయం రూపంలో తీసుకుంటే ఇమ్యూనిటీ పెరిగి, ఫంగల్ మరియు బ్యాక్టీరియల్ ఇన్ఫెక్షన్లు తగ్గుతాయి.

ఐరన్ లోపానికి తోటకూర

ప్రత్యేకంగా మహిళల్లో ఐరన్ లోపం వల్ల బలహీనత, జాయింట్ల నొప్పులు, ఇర్రెగ్యులర్ పీరియడ్స్, హెవీ బ్లీడింగ్, థైరాయిడ్ సమస్యలు అధికంగా కనిపిస్తున్నాయి. వీటికి తోటకూర అద్భుతమైన ఆహారం.

తోటకూరలో ఐరన్, కాల్షియం, ఫైబర్, బి కాంప్లెక్స్ విటమిన్లు పుష్కలంగా ఉంటాయి. తోటకూరను సూప్ రూపంలో తీసుకుంటే గట్ హెల్త్ మెరుగుపడి, హిమోగ్లోబిన్ పెరిగి, కంటి ఆరో్యం కూడా బాగుంటుంది.

తోటకూర సూప్ తయారీ

తోటకూర, క్యారెట్, మునగకాయ ముక్కలు, అల్లం, కొద్దిగా పసుపు వేసి ఉడికించాలి. తర్వాత వాటిని మెత్తగా చేసి అందులో నువ్వులు, పంప్కిన్ సీడ్స్, వాటర్‌మెలన్ సీడ్స్ పొడి కలిపి సూప్‌గా తాగాలి. ఇది ఐరన్ పెంచి శరీరానికి బలం ఇస్తుంది.

తోటకూర విత్తనాల ప్రయోజనాలు

తోటకూర విత్తనాలు (రాజగీరా సీడ్స్) కూడా ఆరోగ్యానికి ఎంతో మేలు చేస్తాయి. వీటిని పొడి చేసి చపాతీ పిండిలో లేదా దోశ పిండిలో కలిపి వాడవచ్చు. ఇవి నరాల బలహీనత తగ్గించడంతో పాటు జుట్టు, చర్మ ఆరోగ్యాన్ని మెరుగుపరుస్తాయి.