ఆరోగ్యంపై శ్రద్ధ కలిగిన అందరికీ హృదయపూర్వక నమస్కారాలు. మనం కొత్త ఇల్లు కట్టుకునేటప్పుడు వాస్తు చూసుకుని, గాలి–వెలుతురు బాగా రావాలని, ఆరోగ్యం–ఆర్థిక పరిస్థితులు మెరుగుపడాలని ఆశిస్తాం. కానీ అదే విధంగా మన శరీర “వాస్తు” గురించి ఎప్పుడైనా ఆలోచించామా? ఇంటి వాస్తు ఎంత ముఖ్యమో, శరీర వాస్తు అంతకంటే ముఖ్యమని గుర్తించాలి.
శరీరం సమతుల్యంగా, సరిగా ఉండటం ఆరోగ్యానికి సూచిక. ఉదాహరణకు, నిలబడినప్పుడు రెండు తొడలు కలవకుండా కొంత గ్యాప్ ఉండాలి. ఇది శరీరంలో కొవ్వు అధికంగా లేనట్టు సూచిస్తుంది. అలాగే మెడ వద్ద కాలర్ బోన్ కనిపిస్తే శరీరంలో కొవ్వు మోతాదు సరైన స్థాయిలో ఉందని అర్థం.
పేగుల్లో గుడ్ బ్యాక్టీరియా నశిస్తుంది దీన్ని తింటే….
మరొక ముఖ్య లక్షణం – ఛాతీ భాగం విస్తారంగా ఉండాలి, నడుము భాగం సన్నగా ఉండాలి. ఇది శరీరంలో శక్తి, శ్వాసక్రియ సక్రమంగా ఉన్నాయని తెలియజేస్తుంది. నిలబడినప్పుడు ఛాతీ కంటే పొట్ట ముందుకు రావడం అనేది ఆరోగ్య సమస్యలకు సంకేతం. అలాగే పొట్ట వద్ద కొవ్వు అధికంగా పేరుకుపోవడం అనేది “వాస్తు దోషం” లాంటిదే.
శరీరంలో కొవ్వు మోతాదు సరైన స్థాయిలో ఉంటే రక్తనాళాలు స్పష్టంగా కనిపిస్తాయి. ఇది శరీర దృఢత్వం, ఫిట్నెస్కు సూచిక. ఈ లక్షణాలు లేకపోతే శరీరం అసమతుల్యంగా మారి అనారోగ్య సమస్యలకు దారితీస్తుంది.
తిరుమల 1970 లో ఎలా వున్నదో చూడండి.
సైన్యం, పోలీస్ వంటి రంగాల్లో ఉద్యోగాలకు ఎంపిక చేసే సమయంలో శరీర ఆకృతి, కొలతలను కచ్చితంగా పరిశీలిస్తారు. కారణం – సరైన శరీర నిర్మాణం ఉన్నవారే ఎక్కువ కాలం ఆరోగ్యంగా, శక్తివంతంగా ఉంటారు.
అందువల్ల, మనం ఇంటి వాస్తు కంటే ముందుగా శరీర వాస్తును సరిచేసుకోవాలి. సరైన ఆహారం, వ్యాయామం, క్రమశిక్షణతో శరీరాన్ని సమతుల్యంగా ఉంచితే ఆరోగ్యం, అందం, ఆత్మవిశ్వాసం అన్నీ స్వయంగా వస్తాయి. మంచి ఆకృతి ఉన్న శరీరమే నిజమైన ఆభరణం అని గుర్తుంచుకోవాలి.
